Farg‘ona viloyatining Oltiariq tumanida o‘lim bilan bog‘liq yo‘l-transport hodisasi sodir etildi. Bu haqda “Daryo”ga viloyat IIB axborot xizmati xabar berdi.
Ma’lum qilinishicha, 13-aprel kuni fuqaro R.Sh. boshqaruvidagi Mercedes-Benz “Tolko‘cha” mahallasi hududida ketayotib, yo‘lning qatnov qismini piyoda kesib o‘tayotgan 10 yoshli A.G.ni urib yuborgan. Oqibatda A.G. tan jarohati olib, shifoxonada vafot etgan.
Holat yuzasidan Oltiariq tuman IIB huzuridagi tergov bo‘linmasi tomonidan Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan.
Ayni paytda tergov harakatlari davom etmoqda.
Avvalroq Toshkentda Malibu va Lacetti to‘qnashuvi oqibatida Ozarbayjon fuqarosi vafot etgani, Namanganda esa Spark ag‘darilib ketishi oqibatida bir kishi vafot etgani xabar qilingandi.
Izoh (0)