Тошкентда 18 апрель куни ўтказиладиган дуатлон мусобақаси сабаб айрим кўчаларда ҳаракат вақтинча чекланади

Тошкент марказидаги айрим кўчаларда 18 апрель, якшанба куни автомобиль ҳаракати чекланади, дея хабар бермоқда шаҳар ҳокимлиги.

Қайд этилишича, дуатлон бўйича ҳаваскор ва профессионаллар ўртасида Ўзбекистон Очиқ кубогининг биринчи босқичи ўтказилиши муносабати билан 18 апрель куни соат 07:30 дан соат 12:30 га қадар қуйидаги кўчаларда ҳаракатланиш чекланади:

• Тўлиқ ёпилиш: Зулфияхоним кўчаси — Лабзак кўчасидан (Mobiuz офиси) Нурафшон айланма йўлигача;
• Тўлиқ ёпилиш: Нурафшон айланма йўли — Зулфияхоним кўчасидан Шароф Рашидов шоҳкўчасигача (Ёнғин хавфсизлиги бошқармаси);
• Икки тарафлама ҳаракатланиш йўлнинг битта қисми бўйлаб ташкил қилинади: Шароф Рашидов шоҳкўчаси — Осиё кўчасидан (Ёнғин хавфсизлиги бошқармаси) Абдулла Қодирий кўчасигача («Жасорат» ҳайкали);
• Икки тарафлама ҳаракатланиш йўлнинг битта қисми бўйлаб ташкил қилинади: Абдулла Қодирий кўчаси — Шаров Рашидов шоҳкўчасидан («Жасорат» ҳайкали) Лабзак кўчасигача («Анҳор Локомотив» боғи).

Бундан аввал Тошкентдаги «Қўйлиқ» кўприги 20 апрелгача автомобиллар ҳаракати учун ёпилиши ҳақида хабар берилганди.