“Afsonalar kushandalari” teleshousi orqali mashhurlikka erishgan Adam Sevij ismli teleboshlovchi o‘zining YouTube’dagi kanaliga Savaga Builds nomi ostidagi serialining navbatdagi epizodini joylashtirdi. Yangi sonda uch nafar ilm-fan va texnika vakili “Telba Maks” filmidagi transport vositalari uslubida yaratilgan avtomobillar o‘rtasida jang uyushtirgan.
Adam Sevijga ijtimoiy tarmoqlarga o‘zlarining noodatiy ixtirosini joylashtirib keladigan Simona Gerts va Lora Kampf raqiblik qilgan. Jangda ishtirok etish uchun ishtirokchilar o‘z avtomobillarini zanjirli konstruksiya bilan jihozlagan bo‘lib, unga improvizatsiya nishonlarini qotirgan. Blogerlar hujum uchun ball hisoblashga kelishib olgan.
Eksperiment ishtirokchilari “qurol” sifatida turli qurilmalardan foydalangan. Lora va Adam uzoqdan hujum qilishni istagan bo‘lsa, Simona yaqindan jang qilishga mo‘ljallangan qurolni ma’qul ko‘rgan. U raqiblari shinasi teshish maqsadida mashinasining atrofini metall konstruksiya va temir tikanlar bilan o‘ragan. Lora Kampf esa o‘zining Ford Crown Victoria’sini kuchaytirilgan qo‘shimcha himoya, shuningdek, naves masofadan turib hujum qilish imkonini beradigan naves qurilma bilan jihozlagan.
Adam Sevij o‘z avtomobiliga gold koptoklarini otadigan maxsus zambarak o‘rnatgan. Bundan tashqari, boshlovchi mashinani metall konstruksiyalar bilan kuchaytirgan. Shundan so‘ng, ular maydonga yo‘l olib, jangga kirishgan.
Avvalroq “Telba Maks” uslubida yaratilgan 93 yoshli xot-rot sotuvga qo‘yilgani to‘g‘risida xabar berilgandi.
Izoh (0)