Turkiya janubida 14-aprel kuni ikkita yuk poyezdi to‘qnashdi, hodisa oqibatida ikki nafar mashinst jarohatlangan, deya xabar bergan DHA.
“Adanadan tongda yo‘lga chiqqan konteynerli yuk poyezdi o‘zidan oldinda harakatlangan boshqa bir yuk poyezdiga kelib urilgan. To‘qnashuv oqibatida ikkala poyezdlarning ham bir nechta vagonlariga talafot yetgan va poyezdlar temiryo‘l relsidan chiqib ketgan”, — deyiladi xabarda.
Ortdan kelib urilgan poyezdning mexaniklari yengil jarohat olgan. Hodisa joyiga qutqaruvchilar va tibbiyot xodimlaridan iborat guruhlar yuborilgan. Jarohatlangan mexaniklar Pozantidagi shifoxonaga olib kelingan. Sodir bo‘lgan hodisa yuzasidan tergov ishlari boshlangan.
Avval Misrda ikki poyezdning to‘qnashuvi oqibatida 30 nafardan ziyod odam halok bo‘lgani, Tayvanda poyezd relsdan chiqib ketgani, oqibatida 50 dan ziyod kishi halok bo‘lgani haqida xabarlar berilgandi.
Izoh (0)