Tayvanning Xualyan uyezdida yo‘lovchi poyezdi izidan chiqib ketdi, deb xabar beradi “RBK” mamlakat Markaziy axborot agentligiga tayanib.

Foto: AP Photo

“Transport politsiyasi ma’lumotlariga ko‘ra, ayni paytda to‘rt kishining o‘limi tasdiqlangan, 36 kishi tiriklik belgilarisiz topilgan, 72 kishi poyezdda qamalib qolgan, 61 kishi kasalxonaga yotqizilgan”, — deyiladi xabarda.

Foto: Twitter

Kamida 36 kishi yo‘lovchi poyezdi bilan bog‘liq halokat qurboni bo‘ldi, yana 70 dan ortig‘i jarohat oldi, deb yozmoqda Reuters orol transport ma’muriyatiga tayanib.

Foto: Twitter

Poyezd tunnel orqali yurib o‘tayotib, relsdan chiqib ketgan, vagonlarning bir qismi tunnel devoriga borib urilgan. Halokat chog‘ida poyezdda 350 ga yaqin yo‘lovchi bo‘lgan. Vagonlar soni 8 ta bo‘lgan.

Foto: Twitter

Agentlik ma’lumotlariga qaraganda, poyezd tunnel ichidan o‘tishda yo‘lni toshlardan tozalayotgan texnika bilan to‘qnashib ketgan. Ayni paytda qutqaruv operatsiyasi davom etmoqda, hozircha 100 nafar yo‘lovchi evakuatsiya qilingan.

Foto: Twitter

“Pingo jibao” nashri yozishicha, dastlabki ma’lumotlarga qaraganda, relsga 20 metr balandlikdan qiyalikka noto‘g‘ri parkovka qilingan yuk mashinasi tushib ketgan, uning tormozlari nosoz bo‘lgan.

Foto: Twitter

Foto: Twitter

Foto: Twitter

Reuters ushbu temir yo‘l halokatini Tayvanda so‘nggi 40 yil ichidagi eng yirigi deb atamoqda. So‘nggi marta Tayvanda yirik temir yo‘l halokati 2018-yil oktabrida sodir bo‘lgan, o‘shanda Puyuma Express tezyurar poyezdi Ilan uyezdida izidan chiqib ketgan edi. Oqibatda 22 kishi halok bo‘lgan, 170 dan ortiq odam jarohat olgan edi. 1981-yilda poyezd halokati oqibatida 31 kishi qurbon bo‘lgandi.