Tesla markasining kapitalizatsiyasi 605 milliard dollarga yetib, dunyodagi eng qimmat avtomobil kompaniyasiga aylandi. Taqqoslash uchun, ikkinchi o‘rinda bo‘lgan Toyota’ning qiymati undan 2,5 baravarga kam — 244,1 milliard dollar, deb xabar beradi Motor.
Ikkinchi o‘rinda 153,2 milliard dollar ko‘rsatkich bilan Volkswagen joylashgan. Dunyodagi eng qimmat avtomobillar top-5 ligidan, shuningdek, Daimler (90,8 milliard dollar) va General Motors (80,4 milliard dollar) o‘rin olgan. Oltinchi pog‘onani 68 milliard dollar kapitalizatsiya bilan Xitoyning BYD kompaniyasi band etgan — bu butun Xitoydagi avtomobil ishlab chiqaruvchilar orasidagi eng yirik ko‘rsatkich.
Shu bilan birga, daromadlar hajmi taqqoslanadigan bo‘lsa, Tesla birinchi o‘rinda emas, u hatto dastlabki o‘nta pog‘onaga ham kira olmaydi. Amerika markasi 2020-yilda 31,5 milliard dollar daromad ko‘rib, 14-o‘rinni egallagan. Biroq Tesla daromadlarining so‘nggi uch yildagi o‘rtacha o‘sishi 21,4 foizga teng.
O‘tgan yili eng ko‘p daromad ko‘rgan kompaniyalar qatoridan Volkswagen va Toyota o‘rin olgan. Ular mos ravishda 254 hamda 249,4 milliard dollar ishlab topgan. Ulardan keyingi pog‘onada Daimler (175,9 milliard dollar), Ford (127,1 milliard dollar) va GM (122,5 milliard dollar) joylashgan.
Avvalroq Ilon Mask Tesla avtomobillarini bitkoinga sotish boshlanganini e’lon qilgandi.
Izoh (0)