Butunjahon yovvoyi tabiat fondi (WWF) ekologlari krossover va yo‘ltanlamaslar reklamasini taqiqlashni so‘radi. Faollar avtomobil ishlab chiqaruvchilar krossoverlarni tabiat bilan uyg‘un “sousi” ostidagi targ‘ib qilayotgani, biroq Fransiyada SUV segmenti zararli moddalar chiqarish bo‘yicha ikkinchi manba ekani haqida hech nima demayotganidan g‘azabda, deb xabar beradi Motor.
WWF’ning fransuz bo‘linmasining baholashicha, 2019-yilda avtogigantlarning reklama budjetini 42 foizi (1,8 milliard yevro) krossover va yo‘ltanlamaslarni ilgari surishga yo‘naltirilgan. Har kuni efir vaqtining 3 soatғu 50 daqiqasi yo‘ltanlamaslarning boshqa turdagi avtomobillardan ustunligini sanashga sarflanadi.
WWF’dagilarning hisoblashicha, avtomobil ishlab chiqaruvchilar jamoatchilik fikrini manipulyatsiya qilmoqda. Krossover va yo‘ltanlamaslar xavfsizligi bo‘rttirib ko‘rsatilgan, chunki AXA sug‘urta firmasining ma’lumotlariga ko‘ra, bu kabi avtomobil rulida YTHga uchrash ehtimolligi 10 foizga oshgan. Faol dam olish ishqibozlari uchun bo‘lgan sabab ham tanqidga bardosh bera olmagan — aynan krossover va yo‘ltanlamaslar atrof-muhitni ko‘proq ifloslantiradi.
Ekologik faollar og‘irligi 1400 kilogrammdan ortiq bo‘lgan avtomobillar uchun qo‘shimcha soliq joriy etish taklifi bilan chiqqan, biroq hukumat mazkur limitni 1800 kilogrammgacha cheklagan. Shu sababli ko‘tarilgan stavka Fransiyada sotilayotgan yengil mashinalarning ikki foiziga taalluqli xalos.
Hozirda WWF og‘ir yo‘ltanlamas va krossoverlar reklamasini cheklash hamda kelajak transport vositasi — yengil, tejakmor va ekolofik avtomobillarni targ‘ib qiluvchi avtomobil ishlab chiqaruvchilarni rag‘batlantirishni qonuniy jihatdan belgilanishini taklif qilmoqda
Izoh (0)