Bugun,

  • USD 11095.31
  • RUB 173.84
  • EUR 10772.44

21-oktabr kungi NASDAQ birja savdolarining yakuni bo‘yicha Tesla aksiyalari 3,3 foizga ko‘tarildi. Investorlar elektrokarlar ishlab chiqaruvchining 2020-yil uchinchi chorakdagi hisobotiga ijobiy yondashgan. Kompaniya daromadi o‘tgan yilning mos davriga nisbatan 39 foizga oshganini — 8,77 milliard dollarga yetganini ma’lum qildi. Tahlilchilar 8,3 milliard dollargacha o‘sishni kutgandi, deb xabar beradi “RBK”.

Foto: Shutterstock

Foto: Shutterstock

Tesla rekord darajada foyda ko‘rgan — 331 million dollar. Bu 2019-yilning mos davriga nisbatan 131 foizga ko‘p demak. Kompaniya ketma-ket beshinchi chorakni foyda bilan yakunlamoqda. 2020-yilning ikkinchi choragida Tesla’ning foydasi 104 million dollarni tashkil etgan bo‘lsa, undan oldingi uchta chorakda mos ravishda 143 million, 105 million va 16 million dollar bo‘lgan.

Eng yaxshi foyda aksiyalardan kelgan: o‘tgan chorakda ularning narxi bir yil oldingi 0,37 dollardan 0,76 dollarga yetgan. Ekspertlar qimmatli qog‘ozning donasi 0,55 dollardan oshmasligini prognoz qilgandi.

Tesla bosh direktori Ilon Maskning aytishicha, iyuldan sentabrgacha bo‘lgan davr “kompaniya tarixidagi eng yaxshi chorak”ka aylangan. Shuningdek, Tesla o‘tgan yilgi 5,3 milliard dollar bilan taqqoslaganda joriy yil 14,5 milliard dollar “pul yostiqchasini” to‘plagan. Shu bilan birga, kompaniya xarajatlarni ham 35 foizga oshirgan bo‘lib, ularning asosiy qismi zavodlar qurilishiga sarflanmoqda.

Shunga qaramay, o‘tgan chorak kompaniya uchun idealga aylanmadi. Tesla yana bir bor — ketma-ket to‘rtinchi marotaba — boshqa avtomobil ishlab chiqaruvchilarning ZEV (Zero Emission Vehicle credit) kreditlarini sotish hisobiga foyda ko‘rgan. O‘tgan chorakda ularning qiymati 397 million dollarni tashkil etgan.

Tesla anchadan buyon ZEV-kreditlardan foyda ko‘rib keladi. Boshqa kompaniyalar atrof-muhit ifloslanishiga qarshi kurash ketayotgan ba’zi mamlakatlar va AQShing ayrim shtatlarida avtomobil sotish litsenziyasini yo‘qotib qo‘ymaslik uchun xarid qilib kelmoqda. Tesla’da esa bu kabi kreditlar ko‘p, chunki u faqat elektrokarlarni ishlab chiqaradi.

Eslatib o‘tamiz, Ilon Mask 10-iyul kuni dunyoning eng boy odamlari ro‘yxatida 7-o‘ringa, 20-iyul kuni 5-o‘ringa, 17-avgust kuni esa 4-o‘ringa, 1-sentabr kuni esa Sukerbergni ortda qoldirib, dunyoning eng boy odamlari uchligidan joy olgandi.

Izoh
Asosiy yangiliklar
Mahalliy
Qarshida Cobalt haydovchisi 13 yoshli qizni urib yuborib, voqea joyidan qochib ketdi (video)
Mahalliy
Nogiron fuqaroning bo‘yniga zanjir bog‘langani aks etgan video yuzasidan izoh berildi
Mahalliy
O‘zbekistonning katta qismida hafta oxiriga borib anomal sovuq bo‘lishi kutilmoqda