Farg‘ona viloyatida bojxona boshqarmasi xodimlari tomonidan o‘tkazilgan tezkor tadbirda 450 million so‘mlik uyali aloqa vositalarining mamlakat hududiga noqonuniy tarzda olib kirilishining oldi olindi, deya xabar berdi “Daryo” muxbiri.
Ma’lum qilinishicha, Farg‘ona viloyat bojxona boshqarmasining Kontrabandaga qarshi kurashish va bojxona auditi bo‘limi xodimlari tomonidan Farg‘ona tumani hududida tezkor tadbir o‘tkazilgan.
Tezkor tadbir davomida o‘zini yo‘lovchi tashish bilan shug‘ullanayotgan taksi haydovchisidek tutgan fuqaro S.A. boshqaruvidagi Spark avtomashinasi to‘xtatilib, o‘rnatilgan tartibda ko‘zdan kechirilgan. Natijada avtomashina yukxonasining zaxira balloni o‘rnida tegishli hujjatlari bo‘lmagan, xorijda ishlab chiqarilgan umumiy qiymati 450 million so‘mlik 37 dona uyali aloqa vositasi borligi aniqlangan.
Hozirda yuqoridagi holat yuzasidan bojxona organlari tomonidan surishtiruv harakatlari davom ettirilmoqda.
Izoh (0)