O‘zbekistonda 23-mart holatiga ko‘ra, koronavirus bilan kasallanganlar soni 81 678 kishiga yetdi. Bu haqda SSV matbuot xizmati xabar berdi.
O‘tgan bir sutka ichida mamlakatda yana 119 kishida COVID-19 tasdiqlangan, ularning 93 nafari — Toshkent shahrida.
Qolgan yangi kasallanish holatlarining
- 1 nafari Qoraqalpog‘iston Respublikasida
- 1 nafari Andijon viloyatida
- 4 nafari Buxoro viloyatida
- 1 nafari Jizzax viloyatida
- 2 nafari Namangan viloyatida
- 1 nafari Samarqand viloyatida
- 2 nafari Farg‘ona viloyatida
- 1 nafari Xorazm viloyatida
Shuningdek, o‘tgan bir sutka ichida 1 nafar koronavirusga chalingan bemor vafot etib, kasallikdan vafot etganlar soni 623 nafarga yetgan.
Bundan tashqari, Toshkent shahrida 76 nafar, Toshkent viloyatida 12 nafar bemor sog‘aygan bo‘lib, hozirga qadar respublika bo‘ylab koronavirusdan tuzalganlar soni 80 045 kishini tashkil etmoqda (98 foiz).
Ayni paytda tibbiyot muassasalarida davolanayotgan 1010 nafar bemordan 191 nafari og‘ir, 85 nafari esa o‘ta og‘ir ahvolda.
Eslatib o‘tamiz, Sog‘liqni saqlash vazirligi O‘zbekistonda kasallik asoratlari oqibatida vafot etganlar haqida so‘nggi bor 2021-yilning 10-fevralida xabar bergan. 23-mart holatiga ko‘ra taqdim etilgan statistikada vafot etgani aytilayotgan fuqaroning shaxsiga oid ma’lumotlar berilmagan.
Avvalroq Sanitariya-epidemiologik osoyishtalik va jamoat salomatligi markazi Toshkent shahar boshqarmasi boshlig‘i Malika Qudratxo‘jayeva Zangiotadagi shifoxonada koronavirus infeksiyasi tashxisi bilan yotqizilgan bemor 7-mart kuni vafot etganini ma’lum qilgandi. Sog‘liqni saqlash vazirligining so‘nggi statistika ma’lumotlarda aynan ushbu o‘lim holati keltirilgan bo‘lishi mumkin.
Izoh (0)