Qozog‘istonning Mang‘istov viloyatini qum bo‘roni qopladi. Mahalliy aholi ijtimoiy tarmoqlarda noqulay ob-havoning videotasvirlari bilan bo‘lishdi. Bu haqda Tengrinews xabar berdi.

Avvalroq favqulodda holatlar departamenti shamol tezligi soniyasiga 17-22 metrgacha kuchayishini ma’lum qilib, bo‘ron haqida ogohlantirgan edi.

Ma’lumot uchun, 16-mart kuni Shimoliy Qozog‘iston viloyati va Petropavlovskda bo‘ron haqida ogohlantirish e’lon qilindi. Prognozga ko‘ra, janubi-g‘arbdan esgan kuchli shamol soniyasiga 15-20 metrgacha kuchayadi.

Shuningdek, Jambil, Turkiston, Qizil o‘rdam, G‘arbiy Qozog‘iston, Akmolinsk va Atirau viloyatlarida tuman yoki shamol sababli bo‘ron bo‘lishi haqida ogohlantirilgan.

Avvalroq Fors ko‘rfazi mamlakatlariga, shu jumladan, Qatar va Saudiya Arabistoniga juda kuchli qum bo‘roni yopirildi. 15-mart kuni esa kuchli qum bo‘roni Xitoy poytaxti Pekinda qayd etilgan, shu tufayli hukumat shaharda xavfning sariq darajasini e’lon qilgan. Bu Pekinga yopirilgan so‘nggi o‘n yillikdagi eng kuchli qum bo‘roni, deyilmoqda.