Samarqand viloyati IIB YHXB xodimlari tomonidan 14-mart kuni mast va qo‘pol ravishda qoida buzgan haydovchilarni aniqlash yuzasidan reyd o‘tkazildi. Bu haqda YHXBB xabar qilmoqda.
Qayd etilishicha, reyd davomida Damas rusumli avtomashinasi to‘xtatilganda haydovchi YHX xodimining qonuniy talabiga bo‘ysunmay, harakatni davom ettirgan. Mashina tegishli tartibda to‘xtatilganda uning hujjatlari yo‘qligi aniqlangan.
“Haydovchini to‘xtatib hujjatlarini so‘raganimizda u noma’lum tarafga yugurib qochib ketdi”, – deydi YPX xodimi.
Haydovchi YPX xodimlari tomonidan ushlanib, unga nisbatan ma’muriy bayonnoma rasmiylashtirilgan va mashina jarima maydonchasiga joylashtirilgan.
Shuningdek, reyd davomida Malibu haydovchisi to‘xtatilganda u ham xodimning qonuniy talabiga bo‘ysunmay, harakatni davom ettirgan. Mashina tegishli tartibda to‘xtatilib, jarima maydonchasiga olib kelingan.
Yana bir holatda Nexia-3 mashinasi to‘xtatilganda uning raqamlari orqa yukxonaga solib qo‘yilgani va tusi o‘zgartirilgan oynalaring hujjati yo‘qligi aniqlangan.
Haydovchiga tegishli chora ko‘rilib, mashina jarima maydonchasiga yuborilgan.
Bundan avval IIV YHXBB internetda Qashqadaryoda YPX avtomobili yonib ketgani to‘g‘risidagi xabarlarga oydinlik kiritgani, Surxondaryo va Samarqandda sodir bo‘lgan YTHlar oqibatida 4 kishi halok bo‘lgani hamda Jizzaxda me’yoridan 2 barobar ko‘p yuk ortgan Isuzu o‘zidan oldingi transportni urib, ag‘darib yuborgani haqida xabar berilgandi.
Izoh (0)