Самарқанд вилояти ИИБ ЙҲХБ ходимлари томонидан 14 март куни маст ва қўпол равишда қоида бузган ҳайдовчиларни аниқлаш юзасидан рейд ўтказилди. Бу ҳақда ЙҲХББ хабар қилмоқда.
Қайд этилишича, рейд давомида Damas русумли автомашинаси тўхтатилганда ҳайдовчи ЙҲХ ходимининг қонуний талабига бўйсунмай, ҳаракатни давом эттирган. Машина тегишли тартибда тўхтатилганда унинг ҳужжатлари йўқлиги аниқланган.
«Ҳайдовчини тўхтатиб ҳужжатларини сўраганимизда у номаълум тарафга югуриб қочиб кетди», – дейди ЙПХ ходими.
Ҳайдовчи ЙПХ ходимлари томонидан ушланиб, унга нисбатан маъмурий баённома расмийлаштирилган ва машина жарима майдончасига жойлаштирилган.
Шунингдек, рейд давомида Malibu ҳайдовчиси тўхтатилганда у ҳам ходимнинг қонуний талабига бўйсунмай, ҳаракатни давом эттирган. Машина тегишли тартибда тўхтатилиб, жарима майдончасига олиб келинган.
Яна бир ҳолатда Nexia-3 машинаси тўхтатилганда унинг рақамлари орқа юкхонага солиб қўйилгани ва туси ўзгартирилган ойналаринг ҳужжати йўқлиги аниқланган.
Ҳайдовчига тегишли чора кўрилиб, машина жарима майдончасига юборилган.
Бундан аввал ИИВ ЙҲХББ интернетда Қашқадарёда ЙПХ автомобили ёниб кетгани тўғрисидаги хабарларга ойдинлик киритгани, Сурхондарё ва Самарқандда содир бўлган ЙТҲлар оқибатида 4 киши ҳалок бўлгани ҳамда Жиззахда меъёридан 2 баробар кўп юк ортган Isuzu ўзидан олдинги транспортни уриб, ағдариб юборгани ҳақида хабар берилганди.
Изоҳ (0)