Toshkentdagi Ahmad Donish ko‘chasi “karmashka” yo‘llarining bir qismi 1 oy muddatga yopiladi

Toshkent shahri Yunusobod tumani Ahmad Donish ko‘chasining ikkilamchi yo‘llarining bir qismi 1 oy muddatga yopiladi, deya xabar qilmoqda shahar hokimligi matbuot xizmati.

Xabarga ko‘ra, yo‘l ta’mirlash va obodonlashtirish ishlari tufayli 16-mart kuni soat 08:00 dan bir oy davomida Yunusobod tumanidagi quyidagi yo‘l qismlari harakatlanish uchun yopiladi:

• Ahmad Donish ko‘chasining ikkilamchi yo‘li, Anorzor ko‘chasidan Amir Temur shoh ko‘chasigacha bo‘lgan qismi;
• Amir Temur shoh ko‘chasi yaqinidagi qaytish yo‘li;
• Ahmad Donish ko‘chasining ikkilamchi yo‘li, Amir Temur shoh ko‘chasidan Moyqo‘rg‘on ko‘chasigacha bo‘lgan qismi.

Bundan avval Toshkentning Ahmad Donish ko‘chasidagi ko‘prik transport harakati uchun ochilgani haqida xabar berilgandi.