Samarqand va Qashqadaryo viloyatlarini bog‘lovchi dovon qor yog‘ishi sabab yopildi, deya xabar bermoqda YHXBB.
Qayd etilishicha, ob-havo o‘zgarib, qor yog‘ishda davom etayotgani, turli ko‘ngilsiz hodisalarning oldini olish maqsadida Taxtaqoracha dovonida avtotransport vositalarining harakati vaqtincha to‘xtatilgan.
Ushbu dovon xuddi shunday sabab tufayli 22-yanvar va 24-fevral kuni ham yopilgan edi.
Bundan avval kuchli shamol sabab Navoiydagi 3 ta tuman hududidan o‘tgan yo‘lning bir qismi transport vositalari harakati uchun vaqtincha yopilgani hamda Xorazmga kuchli shamol va qor bo‘roni yopirilgani sabab viloyatdagi ko‘plab xonadonlar elektr energiyasiz qolgani haqida xabar berilgandi.
Izoh (0)