Hyundai kompaniyasi tez orada o‘zining yangi minivenini taqdim etishga tayyorlanmoqda, deb yozadi CARakoom.
Taxminlarga ko‘ra, yangi model H1 / Starex o‘rnini egallaydi va Staria deb nomlanadi. Yangi miniven mahalliy bozordan tashqari qator davlatlarda sotuvga chiqadi, aynan qaysi davlatlar ekanligiga hozircha aniqlik kiritilmagan. Mazkur miniven futuristik ko‘rinishga ega: avtomobil ishlab chiqaruvchining ma’lum qilishicha, u “kosmik kemani yodga soladi”.
Old tomondan qaraganda bir qanotdan ikkinchi tomon ulangan yorug‘lik diodli uzun lenta ko‘zga tashlanadi, shu bilan birga, asosiy faralar har tomonida keng radiator panjarasining pastida joylashgan. Shuningdek, surilib ochiladigan bir juft orqa eshiklar, ulkan oyna, baland shift liniyasi va vertikal ravishda o‘rnatilgan orqa fonarlarni ko‘rish mumkin.
Hyundai’ning ta’kidlashicha, yangi model “oliy toifadagi qulaylik”ni ta’minlaydi, bu esa “ham biznes, ham oilaviy foydalanish uchun ideal darajada mos keladi”. Mashina salonidagi old panel markazidan multimedia tizimining ulkan ekrani o‘rin olgan. Haydovchilar uchun mo‘ljallangan oddiy qurilmalar paneli esa ko‘zga tashlanmaydi, shu sababli ma’lumotlar xuddi Tesla Model 3’dagi kabi markaziy displeyda tasvirlanishi mumkin.
Bundan tashqari, suratlardan ko‘rish mumkinki, minivenda turli buyumlarni saqlash uchun ko‘plab joy mavjud, shu bilan birga, alohida orqa g‘ildirak ham bor.
Avvalroq Hyundai Ioniq 5 elektrokari oldindan buyurtmalar borasidagi rekordni yangilagani to‘g‘risida xabar berilgandi.
Izoh (0)