Yarim yengil vazn toifasida harakat qiluvchi UFC jangchisi Zubayra Tuxugovning (19-5-1) keyingi jangi sanasini tasdiqlandi. Bu haqda UFC matbuot xizmati ma’lum qildi.
Rossiyalik yakkakurashchi braziliyalik Rikardo Ramosga (14-3) qarshi jang qiladi. Jang 13-mart (Toshkent vaqti bilan 14-mart tongi) kungi UFC Vegas musobaqasida bo‘lib o‘tadi.
Eslatib o‘tamiz, mazkur musobaqaning asosiy jangi Hamzat Chimayev va Leon Edvards o‘rtasida o‘tishi belgilangandi. Biroq Chimayev koronavirus asoratlari og‘ir o‘tayotgani tufayli jangda qatnasha olmaydigan bo‘ldi.
30 yoshli Tuxugov so‘nggi jangini 2020-yilning sentabrida o‘tkazib, kutilmagandan Hakim Davoduga yutqazib qo‘ygandi. Ramos esa iyul oyida Leron Myorfiga qarshi jangda nokautga uchragan.
Mavzuga doir: Abubakar va Umar Nurmagomedov UFC 260 musobaqasida jang qiladi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)