“Barselona” Chempionlar Ligasi 1/8 final bosqichi dastlabki o‘yinida PSJga (1:4) yirik hisobda mag‘lub bo‘ldi.
Katalonlarning uchrashuvdagi yagona goliga Lionel Messi muallif bo‘ldi.
Messi Chempionlar Ligasida ketma-ket 17 yildan buyon gol urib kelmoqda. U birinchi marta 2005-yilning 2-noyabrida “Panatinaikos” (5:0) darvozasini ishg‘ol qilgandi.
Argentinalik futbolchiga qadar bunday natijaga faqat Raul Gonsales erishgan. Ispaniyalik forvard “Real” va “Shalke-04” safida 1995—2011-yillar oralig‘ida musobaqada har mavsum gol urgandi.
Shuningdek, bu Messi uchun 2020/21-yilgi mavsumning barcha musobaqalarida urilgan 20-gol bo‘ldi. Leo ketma-ket 13 mavsumdan buyon 20+ gol urib kelmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)