“Barselona” Chempionlar Ligasi 1/8 final ilk bahsi doirasida PSJga qarshi kechgan o‘yinda (1:4) yirik hisobda mag‘lub bo‘ldi.
Shu tariqa katalonlar so‘nggi besh yil ichida oltinchi marta Chempionlar Ligasi pley-off bosqichida yirik hisobda mag‘lub bo‘ldi.
O‘tgan yili “Barselona” “Bavariya”ga yarim finalda mag‘lub bo‘lgan (2:8), 2019-yilda esa katalonlar yarim final javob bahsida “Liverpul”ga 0:4 hisobida yengilgan. 2018-yili “Roma” chorak finalning javob o‘yinida 3:0 hisobida “Barsa”ni taslim etgan. 2017-yilda “Barselona” 1/8 finalning ilk bahsida PSJga 0:4 hisobida yengilgan bo‘lsa, chorak finalda “Yuventus”ga yutqazgandi (0:3).
Shuningdek, “Barselona” Chempionlar Ligasi 2020/21-yilgi mavsumida “Kamp Nou”da ikkinchi marta yirik hisobda yengildi (guruh bosqichida “Yuventus” bilan 0:3). Bunga qadar bo‘lgan 20 yil ichida jamoa ikki bor yirik hisobda yutqazgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)