Italiyalik taniqli futbol jurnalisti Janluka di Martsio “Jenoa” hujumchisi Eldor Shomurodov haqidagi fikrlari bilan o‘rtoqlashdi va uning qay tarzda Genuya klubiga o‘tgani haqida gapirdi.
Italiyaga Rossiya chempionatidan uch nafar futbolchi keldi (Aleksey Miranchuk — “Lokomotiv”dan “Atalanta”ga, Aleksandr Kokorin — “Spartak”dan “Fiorentina”ga va Eldor Shomurodov — “Rostov”dan “Jenoa”ga — “Daryo”), ammo ular orasida Shomurodov meni hayratda qoldirdi. Bungacha hech kim u haqida eshitmagandim ham, “Jenoa” uni sotib olganida hamma “kim u, Shomurodov?”, deb so‘ragandi. Ammo uning o‘yinlarini ko‘rganimizdan keyin barcha uning ajoyib o‘yinchi va yaxshi inson ekani haqida gapira boshladi.Shuningdek, di Martsio Shomurodovning qanday qilib “Jenoa”da paydo bo‘lgani haqida gapirdiEnriko Pretsiozi (“Jenoa” prezidenti) — juda aqlli tadbirkor, u Shomurodovning 2 millionga (yevro) sotib olinib, bir necha yildan so‘ng 20-25 millionga sotish mumkinligini tushunib yetdi.
O‘sha vaqtda (2020-yilning kuzida) Enriko Pretsiozi Mario Balotellini sotib olmoqchi edi. Biroq jamoaning o‘sha paytdagi murabbiyi (Rolando Maran) va sport direktori bu qarorga qarshi chiqdi. Maran Balotelli bilan ishlashni xohlamadi va sport direktoridan boshqa futbolchini topishni so‘radi. Shunda unga Shomurodovni ko‘rsatishdi, Maran esa Balotelli variantidan forig‘ bo‘lish uchun bunga rozi bo‘ldi. Shunday ekan, Eldor kuchli futbolchi bo‘lishiga qaramasdan, uning “Jenoa”ga o‘tishiga Balotelli voqeasi sabab bo‘lgan. Ushbu transfer shoshilinchda amalga oshirilgan. Bu haqida Rossiya bilishmasa kerak.Eslatib o‘tamiz, Shomurodov 2020-yilgi yozgi transfer oynasida “Rostov”dan genuyaliklar safiga yo‘l oldi. Eldor “Jenoa” safida 16 ta o‘yin o‘tkazib, 2 ta gol va 2 ta golli uzatma muallifiga aylandi. Uning genuyaliklar bilan amaldagi shartnomasi 2024-yilning yozigacha mo‘ljallangan.Janluka di Martsio, jurnalist
Izoh (0)