BAAning Dubay shahrida yig‘in o‘tkazayotgan O‘zbekiston milliy terma jamoasi 17-fevral, chorshanba kuni “Shaxtyor Soligorsk” klubiga qarshi bahs olib bordi.
Uchrashuvning 12-daqiqasida Yulius Szoke soligorskliklarni oldinga olib chiqdi. 34-daqiqada Yuriy Kendish o‘ta qo‘pol harakati uchun to‘g‘ridan to‘g‘ri qizil kartochkaga loyiq ko‘rildi. Biroq o‘zaro kelishuvga ko‘ra uning o‘rniga boshqa futbolchi o‘yinni davom ettirdi, ya’ni, “Shaxtyor” kamchilikda qolmadi.
Ikkinchi bo‘lim debyutida belaruslar yana ikki bor O‘zbekiston terma jamoasi darvozasiga yo‘l topdi. Qolgan vaqtda hisob o‘zgarmadi.
Ikkinchi bo‘lim o‘rtalariga kelib ikki jamoa vakillari o‘rtasida tortishuv yuzaga keldi. Maydondagi futbolchilar janjaliga zaxira o‘rindig‘i vakillari ham aralashdi. Epizodlarning birida “Shaxtyor” futbolchilaridan biri Xolmuhammedovning yuz qismiga zarba berdi, o‘z o‘rnida Murod ham buni javobsiz qoldirmadi. Yakunda tomonlar murosaga keldi va o‘yin davom etdi, hakam esa ikkita sariq kartochka bilan cheklandi.
Shu tariqa Vadim Abramov shogirdlari yig‘in doirasidagi so‘nggi nazorat o‘yinida yirik hisobdagi mag‘lubiyatni qabul qilib oldi. Avvalroq O‘zbekiston “Zenit”ga qarshi bahsda mag‘lub bo‘lgan (0:4) va Iordaniyani taslim etgandi (2:0).
Nazorat bahsi
17-fevral, chorshanba
O‘zbekiston — “Shaxtyor Soligorsk” 0:3
Gollar: 0:1 – 12 Szoke, 0:2 – 47 Okeuxi, 0:3 – 55 Shindagoridze.O‘zbekiston: Botirali Ergashev, Hojiakbar Alijonov, Igor Golban, Husniddin Aliqulov, Farruh Sayfiyev, Odiljon Hamrobekov, Nurillo To‘xtasinov Sanjar Qodirqulov, Husniddin G‘ofurov, Hojimat Erkinov, Mirjahon Mirahmatov
Zaxira: Abduvohid Ne’matov, Islom Qobilov, Islom To‘xtaxo‘jayev, Ibrohimxalil Yo‘ldoshev, Akmal Mozgovoy, Murod Xolmuhammedov, Azizbek Turg‘unboyev, Oybek Bozorov.
“Shaxtyor”: Gutor, Shevchenko, Filipenko, Sachivko, Antich, Szoke, Yuriy Kendish, Diasamidze, Okeuxi, Stasevich, Darbo.
Zaxira: Chernik, Belov, Malashitskiy, Politevich, Xadarkevich, Begunov, Makarenko, Sotnikov, Korzun, Kunskiy, Ivanovich, Axmedi, Podstrelov, Shahzod Ubaydullayev, Shindagoridze, Debelko.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)