Ярим енгил вазн тоифасида ҳаракат қилувчи UFC жангчиси Зубайра Тухуговнинг (19-5-1) кейинги жанги санасини тасдиқланди. Бу ҳақда UFC матбуот хизмати маълум қилди.
Россиялик яккакурашчи бразилиялик Рикардо Рамосга (14-3) қарши жанг қилади. Жанг 13 март (Тошкент вақти билан 14 март тонги) кунги UFC Вегас мусобақасида бўлиб ўтади.
Эслатиб ўтамиз, мазкур мусобақанинг асосий жанги Ҳамзат Чимаев ва Леон Эдвардс ўртасида ўтиши белгиланганди. Бироқ Чимаев коронавирус асоратлари оғир ўтаётгани туфайли жангда қатнаша олмайдиган бўлди.
30 ёшли Тухугов сўнгги жангини 2020 йилнинг сентябрида ўтказиб, кутилмагандан Ҳаким Даводуга ютқазиб қўйганди. Рамос эса июль ойида Лерон Мёрфига қарши жангда нокаутга учраган.
Мавзуга доир: Абубакар ва Умар Нурмагомедов UFC 260 мусобақасида жанг қилади
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)