Kilian Mbappe Chempionlar Ligasida Shevchenko va Pushkashning rekordini takrorladi
PSJ hujumchisi Kilian Mbappe Chempionlar Ligasi 1/8 final bosqichi dastlabki uchrashuvida “Barselona”ga qarshi kechgan o‘yinda (4:1) het-trik muallifiga aylandi.
22 yoshli futbolchi Chempionlar Ligasi katalonlarga uchta gol urgan tarixdagi uchinchi futbolchiga aylandi. Undan avval bu natijaga Faustino Asprilya (“Nyukasl”) va Andrey Shevchenko (“Dinamo Kiyev”) erishgandi. Ularning ikkisi bu ishni 1997-yilda amalga oshirgan va u vaqtda Mbappe hali tug‘ilmagandi.
Shuningdek, Mbappe pley-off bosqichida “Kam Nou”da “Barselona”ga 2+ gol urgan musobaqa tarixidagi ikkinchi o‘yinchi bo‘ldi. Bunga qadar “Real” sobiq hujumchisi Ferens Pushkash 1959/60-yilgi mavsumda bu ishni uddalagandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
