«Барселона» Чемпионлар Лигаси 1/8 финал илк баҳси доирасида ПСЖга қарши кечган ўйинда (1:4) йирик ҳисобда мағлуб бўлди.
Шу тариқа каталонлар сўнгги беш йил ичида олтинчи марта Чемпионлар Лигаси плей-офф босқичида йирик ҳисобда мағлуб бўлди.
Ўтган йили «Барселона» «Бавария»га ярим финалда мағлуб бўлган (2:8), 2019 йилда эса каталонлар ярим финал жавоб баҳсида «Ливерпуль»га 0:4 ҳисобида енгилган. 2018 йили «Рома» чорак финалнинг жавоб ўйинида 3:0 ҳисобида «Барса»ни таслим этган. 2017 йилда «Барселона» 1/8 финалнинг илк баҳсида ПСЖга 0:4 ҳисобида енгилган бўлса, чорак финалда «Ювентус»га ютқазганди (0:3).
Шунингдек, «Барселона» Чемпионлар Лигаси 2020/21 йилги мавсумида «Камп Ноу»да иккинчи марта йирик ҳисобда енгилди (гуруҳ босқичида «Ювентус» билан 0:3). Бунга қадар бўлган 20 йил ичида жамоа икки бор йирик ҳисобда ютқазганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)