12-fevral kuni Prezident Shavkat Mirziyoyev boshchiligida Ichki ishlar vazirligi hay’atining kengaytirilgan yig‘ilishi o‘tkazilishi kutilmoqda. Bu haqda “Daryo” manbasi ma’lum qildi.
Yig‘ilishda vazirliklar, idoralar, Qoraqalpog‘iston Respublikasi, viloyatlar va Toshkent shahar hokimliklarining kun tartibida belgilangan masalalar yuzasidan hisobotlari eshitiladi.
Eslatib o‘tamiz, 10-fevral kuni bo‘lib o‘tgan selektor yig‘ilishida Shavkat Mirziyoyev ichki ishlar sohasida qilinadigan o‘zgarish haqida fikr bildirib, ichki ishlar faoliyatida katta o‘zgarishlarni amalga oshirish rejalashtirilganini ma’lum qilgandi.
“Ichki ishlar faoliyatida katta o‘zgarishlar qilish rejalashtirilgan. Jinoyatchilikni kamaytirish va ichki ishlar faoliyatini takomillashtirish bo‘yicha takliflarni ko‘rib chiqamiz. Afsuski hozirga qadar mavjud statistikani yashirish holatlari uchrab turibdi. Sohada o‘zgarish qilish shart. Men ichki ishlar xodimlarining mehnatini qadrlayman. Ularning maoshini oshirish bo‘yicha ish olib bormoqdamiz”, — degan edi Prezident.
Izoh (0)