O‘zbekistonda 2020-yilda yirik soliq to‘lovchilar tomonilan 67 trillion 700 milliard so‘m soliq to‘langan. Bu haqda Yirik soliq to‘lovchilar bo‘yicha hududlararo davlat soliq inspeksiyasi matbuot xizmati “Daryo”ga ma’lum qildi.
Xabarda aytilishicha, o‘tgan 2020-yil yakunlariga ko‘ra, respublika miqyosida jami soliq tushumlari miqdori 103 trillion 600 milliard so‘mni tashkil etgan. Shundan 67,7 trillion so‘m miqdordagi soliq tushumlari aynan Yirik soliq to‘lovchilar bo‘yicha hududlararo davlat soliq inspeksiyasi xizmat ko‘rsatuvchi yirik soliq to‘lovchilar tomonidan amalga oshirilgan.
Yirik soliq to‘lovchilar bo‘yicha hududlararo davlat soliq inspeksiyasi o‘tgan 2020-yil yakuniga ko‘ra, eng ko‘p soliq tushumlarini amalga oshirgan yirik soliq to‘lovchilar top 10 taligini ma’lum qildi:
- “Navoiy kon-metallurgiya kombinati”;
- “Olmaliq kon-metallurgiya kombinati”;
- “O‘ztransgaz”;
- “O‘zbekneftgaz” ;
- “O‘zBat”;;
- “Lukoil”;
- UzAuto Motors;
- Uztelecom;
- “Hududgazta’minot”;
- “Buxoro neftni qayta ishlash zavodi”.
Izoh (0)