Ўзбекистонда 2020 йилда йирик солиқ тўловчилар томонилан 67 триллион 700 миллиард сўм солиқ тўланган. Бу ҳақда Йирик солиқ тўловчилар бўйича ҳудудлараро давлат солиқ инспекцияси матбуот хизмати «Дарё»га маълум қилди.
Хабарда айтилишича, ўтган 2020 йил якунларига кўра, республика миқёсида жами солиқ тушумлари миқдори 103 триллион 600 миллиард сўмни ташкил этган. Шундан 67,7 триллион сўм миқдордаги солиқ тушумлари айнан Йирик солиқ тўловчилар бўйича ҳудудлараро давлат солиқ инспекцияси хизмат кўрсатувчи йирик солиқ тўловчилар томонидан амалга оширилган.
Йирик солиқ тўловчилар бўйича ҳудудлараро давлат солиқ инспекцияси ўтган 2020 йил якунига кўра, энг кўп солиқ тушумларини амалга оширган йирик солиқ тўловчилар топ 10 талигини маълум қилди:
- «Навоий кон-металлургия комбинати»;
- «Олмалиқ кон-металлургия комбинати»;
- «Ўзтрансгаз»;
- «Ўзбекнефтгаз» ;
- «ЎзБат»;;
- «Лукоил»;
- UzAuto Motors;
- Uztelecom;
- «Ҳудудгазтаъминот»;
- «Бухоро нефтни қайта ишлаш заводи».
Изоҳ (0)