Toshkentning Bektemir tumanida Qirg‘iziston fuqarosi boshqaruvida bo‘lgan Toyota Land Cruiser Lacetti’ga urilib, yo‘l-tansport xodisasini sodir etgani haqida xabar berilgan edi. Ijtimoiy tarmoqlarda voqea aks etgan video tarqaldi.
Hodisa 2021-yil 12-yanvar kuni soat 21:35 larda Bektemir tumanidagi “Sharq” YPX posti yaqinida yuz bergandi. Toyota Land Cruiser haydovchisi bo‘lgan 32 yoshli Qirg‘iziston fuqarosi Samit A. uxlab qolgani sababli boshqaruvni yo‘qotib, 55 yoshli Beknazarov R. boshqaruvidagi Lacetti’ga to‘qnashgan, so‘ng beton to‘siqqa urilgan.
Hodisa aks etgan videoda haydovchi post yaqinidagi YPX xodimlarini bosib qolishiga bir baxya qolganini ko‘rish mumkin.
Toshkent shahar IIBB matbuot xizmatining ma’lum qilishicha, Samat A. YTH oqibatida yetkazilgan zararni o‘z ixtiyori bilan qoplagan. Jumladan, yo‘l to‘siqlarini tiklagan, Lacetti avtomobilini ta’mirlash xarajatlarini qoplagan va mazkur transport vositasi haydovchisi bilan yarashgan.
Samat A.ga nisbatan Ma’muriy javobgarlik to‘g‘risidagi kodeksning 131-moddasi alomatlari bilan ma’muriy bayonnoma rasmiylashtirilgan va sud tomonidan unga 1 million 115 ming so‘m miqdorida jarima jazosi tayinlangan.
Izoh (0)