Тошкентнинг Бектемир туманида Қирғизистон фуқароси бошқарувида бўлган Toyota Land Cruiser Lacetti’га урилиб, йўл-танспорт ходисасини содир этгани ҳақида хабар берилган эди. Ижтимоий тармоқларда воқеа акс этган видео тарқалди.
Ҳодиса 2021 йил 12 январь куни соат 21:35 ларда Бектемир туманидаги «Шарқ» ЙПХ пости яқинида юз берганди. Toyota Land Cruiser ҳайдовчиси бўлган 32 ёшли Қирғизистон фуқароси Самит А. ухлаб қолгани сабабли бошқарувни йўқотиб, 55 ёшли Бекназаров Р. бошқарувидаги Lacetti’га тўқнашган, сўнг бетон тўсиққа урилган.
Ҳодиса акс этган видеода ҳайдовчи пост яқинидаги ЙПХ ходимларини босиб қолишига бир бахя қолганини кўриш мумкин.
Тошкент шаҳар ИИББ матбуот хизматининг маълум қилишича, Самат А. ЙТҲ оқибатида етказилган зарарни ўз ихтиёри билан қоплаган. Жумладан, йўл тўсиқларини тиклаган, Lacetti автомобилини таъмирлаш харажатларини қоплаган ва мазкур транспорт воситаси ҳайдовчиси билан ярашган.
Самат А.га нисбатан Маъмурий жавобгарлик тўғрисидаги кодекснинг 131-моддаси аломатлари билан маъмурий баённома расмийлаштирилган ва суд томонидан унга 1 миллион 115 минг сўм миқдорида жарима жазоси тайинланган.
Изоҳ (0)