Tesla kompaniyasi elektrokarlar va xizmatlar uchun Bitcoin kriptovalyutasini qabul qilishni rejalashtirmoqda, deb xabar beradi Motor. Shu munosabat bilan Amerika kompaniyasi 1,5 milliard dollarlik bitkoinlarni sotib olgan, buning natijasida kriptovalyuta qiymati o‘zining tarixiy maksimumiga — 47 ming dollarga chiqib ketgan.
Tesla bayonotida ta’kidlanishicha, Bitcoin’ga sarmoya kiritish — yangilangan investitsiya siyosatining bir qismi hisoblanadi. Unga ko‘ra, kompaniya operatsion likvidlikni saqlab qolish uchun keraksiz bo‘lgan mablag‘larni raqamli aktivlarga va oltinga investitsiya qilishni rejalashtirmoqda.
Bitkoinning yuqori volatilligi yoki qiymatining o‘zgaruvchanligiga qaramay, Tesla sarmoyalarini uzoq muddatga tikishni reja qilgan. Amerika kompaniyasining g‘oyasiga ko‘ra, kriptovalyutaga sarmoya kiritish “moslanuvchanlik va pul vositalaridan keladigan daromadlarni oshiradi”.
Tesla bayonotidan keyin bitkoin qiymati Binance birjasida 10 foizdan ortiqqa oshib ketgan — 44 ming dollarga qadar ko‘tarilgan. 9-fevral tongida esa narx yana uch ming dollarga ko‘tarilgan.
Yanvar oyida Tesla rahbari Ilon Mask Twitter’dagi biografiyasiga #bitcoin xeshtegini biriktirib, o‘zining kriptovalyutaga bo‘lgan qiziqishiga shama qilgandi: mazkur harakatning o‘zi bitkoin narxining keskin ko‘tarilishiga sabab bo‘lgan. Bundan tashqari, Mask o‘zining tvitlaridan birida bitkoinda to‘lovlarni amalga oshirishdan hech qachon bosh tormasligini ta’kidlagan.
Izoh (0)