AQSh prezident Jo Bayden koronavirus pandemiyasiga qarshi kurash chora-tadbirlari, shuningdek, mamlakat aholisini qutqarish rejasi doirasida odamlarga bir martalik to‘lovlarni amalga oshirish uchun 160 milliard dollar ajratishni va’da qildi.
“Ushbu rejada shunday ishlar ko‘zda tutilgan. Avvalo COVID-19’ga qarshi 160 milliard dollarlik strategiyani amalga oshiramiz, bunda ishlab chiqarish, yetkazib berish va vaksinatsiya nuqtalarini joylashtirish tadbirlari ko‘zda tutilgan”, – degan Bayden.
Bundan tashqari, AQSh davlat rahbari yordamga muhtoj amerikaliklarga bir martalik 1400 dollar miqdoridagi ijtimoiy to‘lov berilishini aytib o‘tgan.
“Yiliga 300 ming dollar ishlab topadiganlar osmondan tushgan pullarga ega bo‘lmaydi. Biroq bunda bir oila murojaat bilan chiqsa, u holda vaziyat puxta o‘rganiladi. Kimdir yiliga 30 ming, yana kimdir 40 yoki 50 ming dollar ishlab topadi. Ha, bundaylarga pul berish kerak va ular mazkur mablag‘ni, albatta, oladi. Men amalga oshirmoqchi bo‘lgan vazifa ham shu aslida. Men cheklarda yoziladigan raqamlarni o‘zgartirmoqchi emasman. Pul 1400 dollarga teng bo‘ladi va bu qat’iy qaror”, – deya ta’kidlagan AQSh prezidenti.
Shuningdek, Bayden qayd etgan mablag‘lardan tashqari yordamga muhtoj aholini bepul yegulik olishini moliyalashtirish, mart oyida yakuniga yetadigan ishsizlik sug‘urtasini sentabr oxirigacha uzaytirishni ham rejalashtirilgan.
Avval Jo Baydenning AQShning qochqinlarni qabul qilish kvotasini oshirishga qaror qilgani, shuningdek Rossiyani zudlik bilan Navalniyni ozod qilishga chaqirgani, Oq uyga nevarasi uchun belanchak olib kelgani, Tramp davrida qabul qilingan qoidalarni bekor qiluvchi migratsiyaga oid bir nechta farmonlarni imzolashi haqida xabarlar berilgan.
Izoh (0)