Chexiya hukumati koronavirus pandemiyasi oldida ojiz qolayotganini tan oldi — mamlakatdagi taqiqlar amalda bekor bo‘lgan, aholi ularga bo‘ysunishni istamayapti. Bu haqda Chexiya sog‘liqni saqlash vaziri Yan Blatni “ST24”ga intervyu bergan.
“Odamlarning koronavirus pandemiyasi tufayli joriy etilgan cheklovlarda charchagani tabiiy hol. Ammo ushbu taqiq choralarisiz pandemiya ustidan g‘alaba qozona olmaymiz”, — degan vazir.
U dastlab mamlakatda kasallanishlar soni kamaya boshlagani, biroq odamlar karantin cheklovlariga rioya etmay qo‘ygach, yana infeksiyani yuqtirib olish holatlari ko‘payib ketganini qayd etdi.
Shuningdek, u hukumatning aholi oldida kuchsizlanishi koronavirusning yangi mutatsiyasi – “britancha” shtammini mamlakatga kirib kelishiga turtki bo‘lganligini qo‘shimcha qilgan.
Mavzuga doir: Koronavirusning “britancha” shtammi COVID-19’dan davolanganlarga yuqadimi? Ilk simptomlari qanaqa?
Shu sababli yanvar oxirida Fransiya, Chexiya va Germaniyada mamlakatga kirish cheklovlarining kuchaytirilgani xabar qilingandi.
Izoh (0)