АҚШ президент Жо Байден коронавирус пандемиясига қарши кураш чора-тадбирлари, шунингдек, мамлакат аҳолисини қутқариш режаси доирасида одамларга бир марталик тўловларни амалга ошириш учун 160 миллиард доллар ажратишни ваъда қилди.
«Ушбу режада шундай ишлар кўзда тутилган. Аввало COVID-19’га қарши 160 миллиард долларлик стратегияни амалга оширамиз, бунда ишлаб чиқариш, етказиб бериш ва вакцинация нуқталарини жойлаштириш тадбирлари кўзда тутилган», – деган Байден.
Бундан ташқари, АҚШ давлат раҳбари ёрдамга муҳтож америкаликларга бир марталик 1400 доллар миқдоридаги ижтимоий тўлов берилишини айтиб ўтган.
«Йилига 300 минг доллар ишлаб топадиганлар осмондан тушган пулларга эга бўлмайди. Бироқ бунда бир оила мурожаат билан чиқса, у ҳолда вазият пухта ўрганилади. Кимдир йилига 30 минг, яна кимдир 40 ёки 50 минг доллар ишлаб топади. Ҳа, бундайларга пул бериш керак ва улар мазкур маблағни, албатта, олади. Мен амалга оширмоқчи бўлган вазифа ҳам шу аслида. Мен чекларда ёзиладиган рақамларни ўзгартирмоқчи эмасман. Пул 1400 долларга тенг бўлади ва бу қатъий қарор», – дея таъкидлаган АҚШ президенти.
Шунингдек, Байден қайд этган маблағлардан ташқари ёрдамга муҳтож аҳолини бепул егулик олишини молиялаштириш, март ойида якунига етадиган ишсизлик суғуртасини сентябрь охиригача узайтиришни ҳам режалаштирилган.
Аввал Жо Байденнинг АҚШнинг қочқинларни қабул қилиш квотасини оширишга қарор қилгани, шунингдек Россияни зудлик билан Навальнийни озод қилишга чақиргани, Оқ уйга невараси учун беланчак олиб келгани, Трамп даврида қабул қилинган қоидаларни бекор қилувчи миграцияга оид бир нечта фармонларни имзолаши ҳақида хабарлар берилган.
Изоҳ (0)