“Real” hujumchisi Rodrigo Goes La Liga 15-turi doirasida “Granada”ga qarshi kechgan 23-dekabr kungi bahsda (2:0) jarohat oldi.
Madridliklar matbuot xizmatining ma’lum qilishicha, futbolchining o‘ng oyoq soni mushaklarida shikastlanish yuzaga kelgan.
Marca versiyasiga ko‘ra, “Real” shifokorlari taxmin qilgan eng yomon holat kuzatilgan. Rodrigo bu jarohat tufayli 3 oy maydonga tusha olmasligi mumkin. Uning jarohati juda og‘ir hisoblanib, ayrim holatlarda jarrohlik amaliyotini ham talab qilishi mumkin.
19 yoshli Rodrigo La Liga joriy mavsumida 11 o‘yin o‘tkazib, to‘rtta golli uzatma muallifiga aylangandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)