PSJ Tomas Tuxel bilan shartnomani bekor qilish uchun qancha kompensatsiya to‘lashi kerakligi ma’lum bo‘ldi

Tomas Tuxel va uning shtabi PSJ bilan shartnomaning bekor qilinishidan qancha kompensatsiya olishi ma’lum qilindi.

Avvalroq parijliklar mutaxassisni iste’foga chiqargani va uning o‘rniga Maurisio Pochettinoni olib kelayotgani ma’lum bo‘lgandi.

Klub germaniyalik mutaxassis bilan tuzilgan shartnomaning qolgan qismidagi maoshni to‘lab berishi kerak bo‘ladi. Tuxelning parijliklar bilan kelishuvi 2021-yilning yoziga qadar mo‘ljallangan edi. Olti oy uchun PSJ 7 million yevro to‘laydi, deya xabar qilmoqda Le Parisien.

Bu PSJ uchun murabbiyga to‘langan kompensatsiyalar ichida eng kattasi emas. 2016-yilda jamoa Loran Blan bilan shartnoma uzaytirilgandan bir necha oy keyin mutaxassisni ishdan bo‘shatgan va unga 22 million yevro kompensatsiya to‘lagandi.

Tuxel 2018-yilda PSJ boshqaruviga kelgandi va jamoa bilan oltita sovringa ega chiqdi.