Toshkentda Farg‘ona yo‘li ko‘chasining bir qismi 31-dekabrgacha yopiladi

Yo‘l ta’mirlash ishlari sababli 2020-yil 31-dekabrgacha Toshkentdagi Farg‘ona yo‘li ko‘chasining Yong‘in-qutqaruv qismi (“O‘zbek qog‘ozi” OAJ) yaqinidagi qismi harakatlanish uchun qisman yopiladi.

Poytaxt hokimligi matbuot xizmati xabariga ko‘ra, Nukus ko‘chasi va KHAY tomonidan Yong‘in-qutqaruv qismi (“O‘zbek qog‘ozi” OAJ) yo‘nalishida harakatlanayotgan avtotransport vositalari oqimi Qo‘shko‘prik ko‘chasiga yo‘naltiriladi.

“O‘zbek qog‘ozi” OAJ tomonidan KHAY va Nukus ko‘chalari yo‘nalishida ketayotgan avtotransport vositalari oqimining harakati o‘zgarishsiz qoladi.

Hokimlik tirbandliklarning oldini olish maqsadida haydovchilarga vaqtincha aylanma yo‘llardan foydalanishni tavsiya qilgan.

Avvalroq Yunusobodni Sebzor bilan bog‘lovchi ko‘prik 6-dekabrgacha yopilgani xabar berilgan edi.