Imom Termiziy xalqaro ilmiy-tadqiqot markazi rahbari lavozimiga Shukrullo Umarov tayinlandi, deya xabar bermoqda Din ishlari bo‘yicha qo‘mita matbuot xizmati.
Qayd etilishicha, 2020-yil 30-noyabr kuni Din ishlari bo‘yicha qo‘mita raisi Abdug‘ofur Ahmedov, O‘zbekiston musulmonlari idorasi raisining birinchi o‘rinbosari Homidjon Ishmatbekov va viloyat, shahar-tuman bosh imomlari hamda ulamolar ishtirokida yig‘ilish bo‘lib o‘tdi.
Unda Imom Termiziy xalqaro ilmiy-tadqiqot markazida marhum manbashunos olim, tarix fanlari doktori, professor Ubaydulla Uvatov boshlagan ishlarni davom ettirish, markazga qo‘yilgan vazifalarning ijrosini o‘z vaqtida va sifatli ta’minlash maqsadida markaz direktori lavozimiga yuqori malakali va salohiyatli nomzodni tayinlash kun tartibidagi asosiy vazifa etib belgilandi.
Shu vaqtga qadar Imom Termiziy o‘rta maxsus islom ta’lim muassasasi direktori lavozimida faoliyat olib borayotgan Shukrullo Umarov markaz direktori lavozimiga tayinlandi.
Ma’lum qilinishicha, so‘zga chiqqanlar tomonidan yakuniga yetib borayotgan 2020-yilda markaz tomonidan amalga oshirilgan ishlar sarhisob qilindi.
Avvalroq Toshkent viloyatiga yangi bosh imom-xatib va “Vaqf” fondiga yangi rahbar tayinlangani haqida xabar berilgandi.
Izoh (0)