Prezident Shavkat Mirziyoyev va Qozog‘iston prezidenti Qosim-Jo‘mart To‘qayevning telefon orqali muloqoti bo‘lib o‘tdi. Bu haqda prezident matbuot xizmati xabar berdi.
Suhbat chog‘ida davlat rahbarlari ikki tomonlama munosabatlar va mintaqaviy hamkorlikning dolzarb masalalarini muhokama qilgan.
Markaziy Osiyodagi vaziyatni muhokama qilish chog‘ida davlat rahbarlari mintaqada barqarorlik va xavfsizlikni ta’minlash bo‘yicha birgalikdagi sa’y-harakatlar to‘g‘risida kelishuvga erishdi. Hududlar va biznes darajasida faol muloqotlarni davom ettirish, shuningdek, madaniy-gumanitar almashinuvlarni kengaytirishga alohida e’tibor qaratildi.
Prezidentlar Markaziy Osiyo mintaqasidagi vaziyatning rivojlanishi yuzasidan xalqaro va mintaqaviy tashkilotlar, shu jumladan, MDH va ShHT doirasidagi muloqotni kengaytirish bo‘yicha fikr almashgan.
Qozog‘iston rahbari matbuot xizmatining ma’lum qilishicha, Qozog‘iston va O‘zbekiston qirg‘iz xalqiga iqtisodiy va gumanitar yordam ko‘rsatadi.
Avvalroq Shavkat Mirziyoyev ShHT sammitida bir qator takliflarni ilgari surgani, ShHTni Afg‘onistonga ko‘mak berish bo‘yicha rejani qabul qilishga chaqirgani to‘g‘risida xabar berilgandi.
Izoh (0)