“Liverpul” hujumchisi Muhammad Saloh Premyer Liga 8-turi doirasida “Manchester Siti”ga qarshi kechgan o‘yinda (1:1) gol urishga erishdi.
Misrlik futbolchi Angliya chempionati 2020/21-yilgi mavsumining ortda qolgan 8 o‘yinida 8 ta gol urishga erishdi. Bu “Liverpul” tarixidagi eng yaxshi natijaning takrorlanishi bo‘ldi.
Salohga qadar ushbu natijaga Fernando Torres (2009/10-yilgi mavsumning ilk 8 o‘yinida 8 ta gol) va Robbi Fauler (1995/96) erisha olgan.
Saloh barcha musobaqalarni hisobga olganda ketma-ket 4 ta o‘yindan buyon gol urmoqda. Bu uning 2018-yilning bahoridan keyin eng yaxshi natijasi hisoblandi. O‘shanda futbolchi ketma-ket yettita o‘yinda gol urishga erishgandi, xususan, Chempionlar Ligasi doirasida “Manchester Siti”ga qarshi kechgan ikki uchrashuvda ham.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)