Futbol bo‘yicha Angliya Premyer Ligasining 8-turida “Arsenal” 8-noyabr, yakshanba kuni “Aston Villa”ni qabul qildi.
Uchrashuvning 25-daqiqasida Bukayo Sakaning avtogolidan keyin mehmonlar oldinga o‘tib oldi. Ikkinchi bo‘limda “Aston Villa” yana ikkita to‘p kiritishga erishdi. Olli Uotkins uch daqiqa ichida ikkita to‘p kiritgan holda hisobni yirik ko‘rinishga olib keldi.
Ushbu g‘alabadan keyin “Aston Villa” ochkolarini 15 taga yetkazib olib, 6-o‘ringa ko‘tarildi. Jamoa hisobida bitta zaxira o‘yini bor. “Arsenal” (12) esa 10-pog‘onada qolib ketdi.
APL
8-tur bahsi
8-noyabr, yakshanba
“Arsenal” — “Aston Villa” 0:3
Gollar: 0:1 – 25, avtogol Saka, 0:2 – 72 Uotkins, 0:3 – 75 Uotkins.“Arsenal”: Leno, Gabriel, Holding, Tirni, Belyerin, an-Nenni, Parti (Sebalyos, 46), Saka, Villian (Pepe, 65), Obameyang, Lyakazett (Nketia, 65).
“Aston Villa”: Martines, Targett, Konsa, Mingz, Kesh, Trezege (al-Gazi, 88), Barkli, Duglas Luis, Grilish, Makginn, Uotkins.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)