Futbol bo‘yicha Italiya A Seriyasining 7-turida “Milan” 8-noyabr, yakshanba kuni “Verona”ni qabul qildi.
Uchrashuvning 6-daqiqasidayoq Antonin Barak mehmonlarni oldinga olib chiqdi. 19-daqiqaga kelib Mattia Zakkanyi “Verona”ning ikkinchi golini urdi. Milanliklar 27-daqida Janjakomo Manyanining avtogoli evaziga hisobni qisqartirdi.
Ikkinchi bo‘lim maydon egalarining ustunligida o‘tdi. Taym o‘rtalarida hisob tenglashishi mumkin edi, biroq Zlatan Ibragimovich penaltini golga aylantira olmadi. Biroq shvetsiyalik futbolchi hakam tomonidan qo‘shib berilgan vaqtda gol urgan holda jamoasini mag‘lubiyatdan qutqarib qoldi.
“Milan” 17 ochko bilan peshqadamlikni saqlab turibdi. “Verona” (12) 8-pog‘onada bormoqda.
Yana bir uchrashuv “Bolonya” va “Napoli” o‘rtasida kechdi. Unda Viktor Osimhenning yagona goli neapolliklarga g‘alabani taqdim etdi. Ushbu g‘alabadan keyin Jennaro Gattuzo shogirdlari 15 ochko bilan 3-o‘ringa ko‘tarildi.
A Seriya
7-tur bahslari
8-noyabr, yakshanba
“Milan” — “Verona” 2:2
Gollar: 0:1 – 6 Barak, 0:2 – 19 Zakkanyi, 1:2 – 27, avtogol Manyani, 2:2 – 90+3 Ibragimovich.“Milan”: Donnarumma, Kalabriya, Kyer, Gabbiya, Teo, Bennaser, Kessie, Salemakers (Rebich, 46), Chalxono‘g‘lu (Xeuge, 87), Rafael Leau (Brahim Dias, 78), Ibragimovich.
“Verona”: Silvestri, Lovato, Manyani (Chetin, 73), Chekkerini, Lazovich, Davidovich (Tamez, 63), Ilich (Udogi, 69), Dimarko, Barak, Zakkanyi, Kalinich (Kolli, 64).
Ogohlantirishlar: Chekkerini (33), Lovato (42), Bennaser (54), Tamez (90).
“Bolonya” — “Napoli” 0:1
Gol: 0:1 – 23 Osimhen.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)