Amerikalik olimlar dunyoda COVID-19’ga chalinish bilan bog‘liq vaziyat qishga kelib yomonlashishidan ogohlantirdi, deb yozmoqda Nature.
Mutaxassislarning fikricha, kasallik tarqalishi kuchayishiga bir necha omillar sabab bo‘ladi. Birinchi navbatda, yilning sovuq davrida odamlar havo yaxshi aylanmaydigan xonalarda bo‘lishi qo‘shimcha xavf tug‘diradi.
Sovuq va issiq havo, shuningdek, quyosh nurlarining to‘g‘ridan to‘g‘ri tushmasligi COVID-19 yuqish xavfining oshishiga xizmat qiluvchi yana bir omil sanaladi.
“Ushbu virusning yuksalish davri boshlanadi. Oldinda bizni sergak torttiruvchi va mashaqqatli oylar kutmoqda”, — degan Kaliforniyadagi Stenford universiteti mikrobiologi Devid Relman.
Olimlar qishda kasallik qaytadan tarqalishining oldini olish maqsadida qat’iyroq nazorat choralari talab etilishi mumkin, deb taxmin qilmoqda.
Avvalroq germaniyalik olimlar koronavirusga antitanalar vaqt o‘tishi bilan kamayishini aniqlab, bu ularning qayta kasallanishi mumkinligini bildirishini ma’lum qilgandi.
Izoh (0)