Америкалик олимлар дунёда COVID-19’га чалиниш билан боғлиқ вазият қишга келиб ёмонлашишидан огоҳлантирди, деб ёзмоқда Nature.
Мутахассисларнинг фикрича, касаллик тарқалиши кучайишига бир неча омиллар сабаб бўлади. Биринчи навбатда, йилнинг совуқ даврида одамлар ҳаво яхши айланмайдиган хоналарда бўлиши қўшимча хавф туғдиради.
Совуқ ва иссиқ ҳаво, шунингдек, қуёш нурларининг тўғридан-тўғри тушмаслиги COVID-19 юқиш хавфининг ошишига хизмат қилувчи яна бир омил саналади.
«Ушбу вируснинг юксалиш даври бошланади. Олдинда бизни сергак торттирувчи ва машаққатли ойлар кутмоқда», — деган Калифорниядаги Стенфорд университети микробиологи Дэвид Рельман.
Олимлар қишда касаллик қайтадан тарқалишининг олдини олиш мақсадида қатъийроқ назорат чоралари талаб этилиши мумкин, деб тахмин қилмоқда.
Аввалроқ германиялик олимлар коронавирусга антитаналар вақт ўтиши билан камайишини аниқлаб, бу уларнинг қайта касалланиши мумкинлигини билдиришини маълум қилганди.
Изоҳ (0)