Ozarbayjon Qurolli kuchlari Tog‘li Qorabog‘ janubidagi Kubatli shahrini egalladi. Bu haqda Armaniston Mudofaa vazirligi vakili Artsrun Ovannisyan ma’lum qildi, deb yozmoqda “Interfaks”.
“Kecha kechqurun janglar vaqtida Ozarbayjon tomoni Kubatli shahrini egallashga va bir nechta yo‘nalish bo‘yicha oldinlashga muvaffaq bo‘ldi”, — deya ma’lum qilgan Ovannisyan 26-oktabr kuni bo‘lib o‘tgan brifingda.
Uning so‘zlariga ko‘ra, bir nechta yo‘nalish bo‘yicha Ozarbayjon tomoni muvaffaqiyatga erishgan, biroq vaziyat qaltis emas.
Armaniston Mudofaa vazirligi vakilining so‘zlariga ko‘ra, Ozarbayjon Qurolli kuchlari 26-oktabr kuni janubi-sharqiy yo‘nalishda keng qamrovli hujumlarni amalga oshirgan va bir vaqtning o‘zida shaharlarni o‘qqa tutgan.
Ozarbayjon prezidenti Ilhom Aliyev 25-oktabr kuni Zangilan, Jabroil va Kubatli tumanlarining bir qator qishloqlari, shuningdek, Kubatli shahri qo‘lga olinganini ma’lum qilgan.
Izoh (0)