Eron hukumati 26-oktabr kuni Tehron va mamlakatning barcha hududida koronavirus tarqalishining oldini olish bilan bog‘liq cheklovlarni 20-noyabrgacha uzaytirdi. Mamlakat sog‘liqni saqlash organlarining ma’lum qilishicha, har to‘rt daqiqada koronavirus oqibatida yuzaga kelgan o‘lim holati qayd etilmoqda. Bu haqda “Korrespondent.net” xabar berdi.
“Bizning shifokorlarimiz va hamshiralarimiz charchadi”, — deya ma’lum qilgan koronavirusga qarshi kurash milliy komissiyasi rahbari Alirizo Zoliy. Uning so‘zlariga ko‘ra, Erondagi kasalxonalarda yangi bemorlarni davolash uchun koyka o‘rinlar qolmagan.
Rasmiylarning ta’kidlashicha, fuqarolar ijtimoiy masofaga amal qilmayapti. Agar vaziyat shu tariqa davom etsa, mamlakatda koronavirus oqibatida yuzaga keladigan o‘limlar soni kuniga 600 tagacha yetishi mumkin.
Eronning 31 ta provinsiyasidan 21 tasi koronavirus bilan kasallanish holatlari sababli “qizil” hududga kiritilgan.
Izoh (0)