Dunyoda koronavirus bilan kasallanganlar soni 43 mln kishidan oshdi
Dunyoda koronavirus bilan kasallanganlar soni 42 million kishidan oshdi. Bu haqda kasallik tarqalishini real vaqtda kuzatib kelayotgan Jons Hopkins universiteti ma’lumotlarida keltirilgan.
Kasallikka chalinish holatlari bo‘yicha AQSh hamon yetakchilik qilmoqda — mamlakatda 8,63 million kishida COVID-19 tasdiqlangan. Hindiston 7,90 million ko‘rsatkich bilan ikkinchi, Braziliya esa 5,39 million ko‘rsatkich bilan uchinchi o‘rinda. Undan keyingi pog‘onalarni Rossiya (1,52 million) va Fransiya (1,18 million) egallagan.
Koronavirusdan eng ko‘p o‘lim holatlari AQSh (225 mingdan ortiq), Braziliya (157 ming), Hindiston (119 ming) va Meksika (88 ming)da kuzatilgan. Dunyo bo‘yicha jami 1,15 million kishi COVID-19 qurboni bo‘lgan.
Ma’lumot uchun, dunyoda koronavirusga chalinganlar soni 5-oktabr kuni 35 milliondan, 11-oktabr kuni 37 million, 14-oktabr kuni 38 million, 19-oktabr kuni 40 million, 22-oktabr kuni 41 million, 24-oktabr kuni 42 million kishidan oshgandi.
