Pandemiya boshidan buyon dunyo bo‘yicha koronavirusga chalinganlar soni 35 million kishidan oshdi. Bu haqda Jons Hopkins universiteti ma’lumotlariga tayangan holda “RBK” xabar berdi.

Qariyb bir oy ichida COVID-19 bilan kasallanganlar soni 8 million nafarga oshgan.

Kasallanish holatlarining eng ko‘pi hamon AQShda qayd etilmoqda. Mamlakatda pandemiya boshlanganidan beri 7,4 million kishida koronavirus aniqlangan. Ikkinchi o‘rinda — Hindiston (6,5 million), undan keyin — Braziliya (4,9 million) bormoqda.

Eslatib o‘tamiz, O‘zbekistonda koronavirus qurbonlari soni  500 kishidan oshdi. SSV rasmiy statistikasi bo‘yicha O‘zbekistonda 4-oktabr soat 23:00 holatiga ko‘ra 58 687 kishi koronavirusga chalingan, ularning 55 318 nafari (94 foizi) sog‘aygan.

Ma’lumot uchun, dunyoda koronavirusga chalinganlar soni 30-avgustda 25 million, 11-sentabrda 28 million, 14-sentabrda 29 million, 18-sentabrda 30 million, 21-sentabr kuni esa 31 million kishidan oshgan edi.