Ijtimoiy tarmoqlarda Toshkent metropoliten kassasi oldida ko‘plab odamlar yig‘ilib qolgani aks etgan rasm tarqaldi. Holat yuzasidan “Toshkent metropoliteni” unitar korxonasi rasmiy munosabat bildirdi.
Ma’lum qilinishicha, holat 2020-yil 12-oktabr kuni “Beruniy” bekati kassalarida yo‘lovchilar oqimi ko‘payib ketishi natijasida kuzatilgan.
Qayd etilishicha, bunga yo‘l haqining elektron tizimga o‘tkazish ishlari olib borilayotganligi hamda shu kuni Toshkent davlat texnika universitetida talabalarning nazorat yig‘ini tashkil etilganligi sabab bo‘lgan.
Ushbu muammoni hal qilish uchun darhol ikkinchi kassa ochilgan. Yuzaga kelgan noqulayliklar uchun poytaxt metropoliteni ma’muriyati yo‘lovchilardan uzr so‘ragan.
Avvalroq Toshkent metropolitenida 1-noyabrdan jetonlardan foydalanish to‘xtatilishi ma’lum qilingandi.
Mavzuga doir:
- Toshkent metropolitenining “Sergeli” yo‘nalishini qurish ishlari yakunlanayotgani ma’lum qilindi
- Toshkent metrosining “Paxtakor” va “Xalqlar do‘stligi” bekatlari oralig‘ida nima sababdan harakat tezligi cheklanganiga izoh berildi
- Toshkent yerusti halqa metrosi ostida do‘konlar va umumiy ovqatlanish punktlari paydo bo‘ladi
Izoh (0)