O‘zbekistonda 2020-yilning o‘tgan 9 oyi davomida 9 million 365 ming AQSh dollari qiymatidagi 8720 tonna konservalangan meva-sabzavotlar eksport bojxona rejimiga rasmiylashtirildi. Bu o‘tgan yilning shu davriga nisbatan 3607,4 tonnaga ko‘p, deya xabar bermoqda Davlat bojxona qo‘mitasi.
Konservalangan meva-sabzavotlar eksportidan ko‘rilgan daromad 2020-yilda o‘tgan yilning shu davriga nisbatan 24 foizga oshgan.
Ma’lum qilinishicha, konservalangan meva-sabzavotlarning 37 foizi Rossiyaga, 26,4 foizi Qozog‘istonga hamda 26 foizi Afg‘onistonga eksport qilingan.
Shuningdek, 2020-yilda konservalangan meva-sabzavotlarning Tojikistonga eksporti 3,8 barobarga, Janubiy Koreyaga eksporti 3,1 barobarga, Ukrainaga eksporti 1,7 barobarga, Qirg‘izistonga eksporti 1,6 barobarga va Turkmanistonga eksporti 1,3 barobarga ortgan.
O‘zbekistondan konservalangan meva-sabzavotlar eksport qilingan davlatlar qatoriga 2020-yilda Belarus va Italiya davlatlari ham qo‘shildi.
Avvalroq O‘zbekistonga qancha mebel, yog‘och va yog‘och mahsulotlari, elektromobil, mobil telefonlar va televizor import qilingani xabar qilingandi.
Izoh (0)