Tojikiston poytaxti Dushanbe shahrida ikki qavatli avtobuslar harakatlana boshladi, deya xabar bermoqda “Fotobus.ru”
Ma’lum qilinishicha, 1-oktabrdan boshlab poytaxt ko‘chalarida Akia Ultra DoubleDecker ikki qavatli avtobusi 8-yo‘nalishda harakatlana boshladi. Birinchi bosqichda u faqat ertalab va kechqurun tig‘iz vaqt paytida harakatlanadi.
Shu bilan birga, Dushanbeda yangi Akia Ultra LE8 modelini sinovdan o‘tkazish boshlandi.
https://www.youtube.com/watch?reload=9&v=w65CyKelAVc&ab_channel=TALCOGROUP
Eslatib o‘tamiz, Toshkentda ham avtobuslar bilan bog‘liq qator o‘zgarishlar amalga oshirilayotgan edi. Xususan, eski Isuzu’larni gazda harakatlanadigan Xitoy avtobuslariga almashtirish boshlangandi.
Shu bilan birga, Toshkentda 2019-yilning 13-sentabrdan Toshkentda birinchi elektrobus harakatlanishni boshladi. Biroq keyinchalik Toshkentda bitta elektrobusning harakatlanishi moddiy jihatdan o‘zini oqlamasligi ma’lum qilindi.
So‘ngra 2020-yilning 7-mart kunidan boshlab Toshkentning 52-avtobus yo‘nalishi (Beshyog‘och—Yunusobod) bo‘ylab Xitoyning Yutong elektrobusi sinov tariqasida qatnay boshladi.
Shuningdek, poytaxtning Istiqlol va Farg‘ona yo‘li ko‘chasi bo‘ylab Amir Temur xiyobonidan Compass savdo-ko‘ngilochar markaziga qadar yo‘nalishda metrobuslar harakati yo‘lga qo‘yilishi rejalashtirilgan. 2020-yil 1-noyabrgacha ushbu yo‘nalish bo‘ylab maxsus qatnov yo‘lagini yaratish va 20 ta zamonaviy elektrobus xarid qilib, quvvatlash uskunalari bilan ta’minlash ko‘zda tutilgan.
Izoh (0)